I-Praziquantel (PZQ) ingeyeqembu wemithi ebizwa ngokuthi i-anthelmintics. Le mithi isetshenziselwa ukwelapha izifo zamawemusi. I-Praziquantel ibulala amawemusiesezikhulile ngokuyenza ukuthi amawemusi abe lemisipha enzima futhi izenze zinganyakazi. Amanye amawemusi aphuma emzimbeni wakho njengephuphu (poo). lokho, ungase ungaziboni njengoba zivame ukudabukela emathunjini. I-PZQ isiza futhi ekwehliseni ukuvuvukala okubangelwa ngamaqanda amawemusi ahlala kumathishu omzimba (lakuba izilonda zingahlala).

Awukho umkhawulo kunani lezikhathi ongathatha ngazo i-PZQ. Ezindaweni ezinobungozi obukhulu kukuthazwa ukuthi ukwelatshwa kuqaliswe futhi kuphindwe kusukela eminyakeni emibili yokuzalwa. I-Praziquantel kufanele futhi inathwe kanye njalo enyangeni eziyisithupha nxa usebenzisa noma ungena emanzini angcolileyo noma angaphephanga. Ukutheleleka kakutsha kungenzeka ngemva kokunatha imithi, kodwa amathuba okuba lesifo esinzima ayancipha, futhi angaqedwa nxa ukwelatshwa kuthathwa njalo kusukela ebuntwaneni.

Eminye imithi akufanele ithathwe ndawonye. Lokhu kungenxa yokuthi nxa ingahlanganiswa, isebenza ngendlela ehlukileyo futhi ingaba lomphumela olimazayo noma oyingozi emzimbeni. Okunye ukusebenzisana kungenza imiphumela yomuthi wakho ibe lamandla kakhulu, okunganika imiphumela emibi noma ingozi - lapho inani elengeziwe lomuthi emzimbeni wakho lingabangela ukulimala. Okunye ukusebenzisana kunganciphisa ukusebenza komuthi wakho, okutsho ukuthi umthamo wakho awuphakami ngokwanele ukukugcina uphilile. Kwesinye isikhathi imithi ingaba lomthelela kwezinye izimo zezempilo olazo, ngakho-ke kufanele wazise umsebenzi wakho wezempilakahle nxa ule noma yiziphi ezinye izindaba zempilakahle, njengezinkinga zesibindi. Tshela umsebenzi wakho wezempilakahle nxa uthatha eminye imithi, amahebhu noma ulezinye izimo zempilo ukuze aqonde ukuthi lokhu kungaba lomthelela kanjani ekwelatshweni kwakho.

Awukho umuthi wokuvimba ukuthi uthole i-FGS, lakuba kwenziwa imizamo yokuthola indlela yokuyivimbela. Imithi eminengi yokuvimba i-schistosomiasis okwamanje isekuhlolisweni emaklinika, kodwa ayikho okwamanje evunyelwe ukusetshenziswa.