Abathandanayo abale-HIV bobabili kusazodingeka ukuthi bacabange ukuthi bangazithwala njani ngokuphepha.

Kungayenzeka uphinde utheleleke i-HIV, nxa wena lophathina wakho lilemihlobo etshiyeneyo ye-HIV, noma nxa oyedwa noma lobabili lingazweli ekwelatshweni okuhlukeneyo. Kulezi zimo icansi elingela khondomu lingayenza ukwelatshwa kungazweli noma utheleleke ngeminhlobo eminengi ye-HIV, lokhu kubili kungenza ukwelapha i-HIV yakho kube nzima futhi kube lomthelela empilweni yakho.

Indlela engcono kakhulu yokuvikela ukuphinda utheleleke yikuba uqiniseke ukuthi lobabili wena lomlingani wakho libambelela kahle ekwelatshweni kwezidambisagcikwane phambili kokuzama ukuzithwala. Nxa inani legcikwane egazini licindezelwe abukho ubungozi bokuphinda utheleleke. Nxa kungenzeka, khuluma lesisebenzi sezempilakahle futhi ulinganise umthamo wegcikwane egazini phambii kokuzama umntwana. Kungumqondo omuhle futhi ukuhlolwa lokwelapha noma yiziphi ezinye izifo zamacansi phambili kokuyekela ukusebenzisa amakhondomu.

I-Ovulation yilapho iqanda likhitshwa kuma-ovari akho. Kungalesi sikhathi lapho okungenzeka khona ukuthi uzithwele.

Indlela engcono kakhulu yokubona lapho u-ovuletha yikulandelela ukuya esikhathini. Kungenzeka ukuthi ukhulelwe phose ezinsukwini ezingu -10 kusiya ku 16 phambili kokuthi uqale ukuya esikhathini ngokujwayelekile , ukwazi ukuthi isikhathi sakho sokuya esikhathini singafika nini kuzokusiza uzwisise ukuthi kungenzeka nini ukuthi uyaovhuyuletha.

Kungenzeka futhi ukuthi ubone izinguquko emafinyileni omlomo wesibeletho sakho yonke inyanga. Amafinyila omlomo wesibeletho luketshezi olukhitshwa ngomlomo wesibeletho esithweni sowesifazane. Inani lesimo sokushelela kwaleli  kuyatshintsha ngesayikhili yokuya esikhathini. Ngesikhathi se-ovulation ungabona ukwanda kwamafinyila, lokuthi kuba sobala, kumanzi futhi kunwebeka. Umzimba udala lolu ketshezi ukusiza isidoda sifinyelele eqandeni ngesikhathi sokuvuthwa. Kwezinye izikhathi enyangeni, lapho uvunda kancane, kungenzeka ube lamafinyila omlomo wesibeletho amancane, futhi manengi amathuba okuthi kube lamafu noma kunamathele njengeglu.

Ukubuka izinguquko kusaikhili yakho yokuya esikhathini kuyindlela engcono kakhulu yokuqonda izikhathi zokuzithwala, kodwa kungahluka kakhulu  kwabesifazane abatshiyeneyo, ikakhulukazi nxa isaikhili yakho ingajwayelekanga.

Isikhathi esisithathwayo ukuzithwala siyahluka kubathandanayo, kodwa inengi elizama ukuba lomntwana likhulelwa ungakapheli umnyaka. Nxa sokudlule umnyaka owodwa noma emibili ungaze ucabange ukukhuluma lesisebenzi sezempilakahle.

Ezinye izici ezingaba lomthelela wokuthi kuthatha isikhathi esingakanani ukuzithwala zihlanganisela: iminyaka yakho; impilakahle jikelele; lokuthi uba locansi kangaki.